Bosh sahifa / Diqqatga sazovor joylar / Ziyorat turizm obyektlari reestri / Surxondaryo viloyati

Surxondaryo viloyati

1149

№	Ziyoratgoh nomi	Manzili (joylashgan joyi)	Geolokatsiyasi (google maps kordinatorlari)	Rasmi (ob’ektning tashqi tomondan ko‘rinishi)	Izoh (ob’ekt to‘g‘risida qisqacha ma’lumot)
1	Murchbobo maqbarasi	Termiz shahar, “At-termiziy” ko‘chasi	37.207958, 67.282788		Mazkur masjid 1930-yillarda Termiz shahrida yashab o‘tgan Imom Aliboy boshchiligida halq tomonidan xashar yo‘li bilan barpo qilingan. Mazkur masjid nomlanishi yon atrofidan o‘sib chiqqan murch giyoxi bilan bog‘lik bo‘lib, ushbu masjidga «Murch bobo» nomi berilgan va shu nom bilan atalishiga sababchi bo‘lgan zot Sayyid Abdulvali Samarqandiy Al-Mulakkab (taxallusi) murch bobodir.
2	Al-Hakim at-Termiziy maqbarasi	Termiz tumani, “Al-Hakim At-Termiziy” MFY	37.266241, 67.189061		Al-Hakim at-Termiziy 9-asr oxiri 10 asr boshlarida vafot etgan. Uning qabri ustida maqbara qurilgan. Va mana shu maqbara atrofida 9-15 asrlarda al- Hakim at-Termiziy meʼmoriy majmuasi buyod etilgan. Masjid, maqbara, xonaqoh, qorixona kabi binolardan iborat ushbu majmua turli davrlarda qurilgan.
3	Zulkifl maqbarasi	Termiz tumanining chegara hudida	37.294430, 67.155844		Termiz yaqinidagi meʼmoriy yodgorlik (11-12 asrlar). Rivoyat qilinishicha, bu yerga Qurʼoni karimda tilga olingan 25 payg‘ambarlardan biri Zulkifl payg‘ambar dafn etilgan. Zulkifl mil.avv. 7-6 asrlarda yashab o‘tgan tarixiy shaxs hisoblanadi. Uning qabri Iroqning Kifl shahrida joylashgan, G‘aznaviylar davrida Zulkifl qabri orolga ko‘chirib keltirilgan va maqbara hamda masjid barpo etilgan.
4	Qirqqiz qalʼasi	Termiz tumani, “A.Navoiy” MFY	37.266921, 67.289864		Surxondaryo viloyatidagi meʼmoriy yodgorlik bo‘lib 9-10 asrlarda bunyod etilgan. Termiz tumanida (vayrona holida saqlangan). Tadqiqotchilar tomonidan ushbu yodgorlik o‘tmishda qanday vazifada foydalanganligi haqida turli farazlar mavjud. Shahar tashqarisidagi zodagon saroyi, qizlar madrasasi, xonaqoh, karvonsaroy va hokozo. O‘rta asrlarda Termiz shahrining tashqarisida joylashganligi qalʼa shahar tashqarisidagi qo‘rg‘on vazifasini o‘taganligini ko‘rsatadi.
5	Kokildor xonaqohi	Termiz tumani, “Namuna” MFY	37.260410, 67.298667		Kokildor xonaqohi – Termiz (Namuna qishlog‘i)dagi meʼmoriy yodgorlik. Xalq orasida Aloulmulk Xudovandzoda (Termiz hukmdori) ko‘shki, “Azizon”, “Azlar eshon”, “Kokildor” (kokil qirqish udumi) deb nomlangan. Tadqiqotchilarning fikricha xonaqoh 16 asrda Shayboniylardan Abdullaxon II davrida bunyod etilgan.
6	Sulton Saodat majmuasi	Termiz tumani, “Namuna” MFY	37.263188, 67.309181		Termiz sayidlaring dafinalari joylashgan mahobatli maqbaralar majmuasi hisoblanadi. IX-asrda Vatanimiz ravnaqiga katta hissa qo‘shgan Termiz sayyidlari xonadoni shakllanadi. Markaziy Osiyo sayyidlarining ko‘pchiligi o‘zlarining kelib chiqishini shu xonadon bilan bog‘laydilar.
7	Abu Iso Termiziy maqbarasi	Sherobod tumani, “U.Turopov” SFU	37.675877, 67.080157		Abu Iso Imom Termiziy to‘liq ismi Abu Iso Muhammad ibn Iso ibn Savra ibn Muso ibn Zahhok Sullamiy Bug‘iy Termiziydir. U 824-892 yillarda yashagan bo‘lib, Bug‘ qishlog‘ida (hozirgi Sherobod tumani) dafn etilgan.
8	Said Otaliq madrasasi	Denov tumani, “N.Mirzayev” ko‘chasi	38.276284, 67.891324		Said Otaliq madrasasi – 16 asrning eng katta madrasalaridan biri bo‘lib, Denov shahrida joylashgan meʼmo-riy yodgorlik. Qurʼon suralariga monand 114 ta hujradan iborat qilib qurilgan ikki qavatli inshoot.
9	Xoja Alouddin Attor maqbarasi	Denov tumani	38.228661, 67.906732		Xoja Alouddin Attor - asl ismi Muhammab ibn Muhammab Buxoriy. Otasi xushbo‘yliklar tijorati bilan shug‘ullanganligi bois sulola “Attor” laqabini oladi. Xoja Alouddin o‘rta bo‘yli, bug‘doyrang, istarali, kamtar, iqtidori va farosati baland, suhbati taʼsirli, xulqi ko‘zal kishi edi. Alloma hijriy 802 (mil. 1400) yili rajab oyining yigirmanchi kuni vafot etdi. Qabri hozirgi Denov shahrida. Qabrining shimol tarafida mustaqillik yillari aholi tomonidan kichikroq masjid qurilgan.
10	So‘fi Olloyor maqbarasi	Oltinsoy tumani, “Katta Vaxshivor” QFY	38.328951, 67.621573		So‘fi Ollloyor tariqat arbobi va mutasavvuf shoir hisoblanadi. U 1644 yilda Kattaqo‘rg‘onning Minglar qishlog‘ida tug‘ilib, 1724 yilda Oltinsoy tumani Vaxshivor qishlog‘ida vafot etgan. So‘fi Olloyor 1713 yilda Vaxshivor qishlog‘ida masjid qurdirgan. Masjidning umumiy tarhi (14,0x16,2 m), xonaqoh (11,1x9,7 m), ikki tomonlama ayvon hamda qo‘shimcha xonalardan iborat. Devori sinchli paxsadan, tomi to‘sinli. Xonaqohdagi mehrob ravog‘i ancha chuqur, ravoqqa bo‘rtma chiziqlar qilingan. Ayvondagi ustun, xonaqohdagi ustun o‘yma rangli naqshlar bilan bezatilgan.
11	Oqostona bobo maqbarasi	Uzun tumani, “Teplak chinor” QFY	38.301290, 68.018876		Oqostona Bobo maqbarasi – Surxondaryo viloyati Uzun tumani Telpakchinor qishlog‘idagi meʼmoriy yodgorlik (10 asr oxiri – 11 asr boshlari). Maqbara chorsi xonali (tashqi o‘lchami 9x8,7 m., ichkisi 5,65x5,80 m.), tarzlariga g‘ishtlar mavj shaklida terilgan. Shimoli-sharqiy tarzidagi ravoq orqali kiriladi. Uning 2 yoniga ishlangan guldastadan faqat janubiy qismidagisi saqlangan. Poygumbazi g‘o‘lasimon, yuqorisi qubba bilan yakunlangan. Gumbaz osti bag‘allari 8 qirrali, chuqur ravoqlar ishlangan.
12	Takiya ota maqbarasi	Qiziriq tumani, “Takiya” MFY	37.582222, 67.183056		XII-asrga oid Takiya ota maqbarasi Surxondaryo viloyati Qiziriq tumani Takiya mahallasida joylashgan. Tuman markazidan janubga qarab 13 km masofada, Qorasuv o‘zanidan shimoliy sharq tomonda 12 km uzoqlikda joylashgan.
13	Saʼid Vaqqos maqbarasi	Sherobod tumani, Guliston MFY	37.683722, 67.012694		Saʼid Vaqqos – asli ismlari Ahmab ibn Abu Saʼid Vaqqos Termiziy. Bu olimning tug‘ilish va vafot yillari, ijodiy faoliyati haqida maʼlumot yo‘q. U kishi xazrat Imom Abu Iyso at-Termiziy yashagan Bug‘ qishlog‘i yaqinida dafn etilgan. Imom Termiziy kabi termizlik sayyidlar xonadonidan bo‘lgani taxmin etiladi. Olimlar fikricha, Sheroboddagi Abdulloh Saʼid Vaqqos maqbarasi 11-12 asrlarda barpo etilgan. Demak, Abdulloh Saʼid Vaqqos Termiziy bundan ancha oldinroq yashagan.

Ulashish:

Izoh

0

Izoh qoldirish

Fikr qoldirish uchun siz ijtimoiy tarmoqlar orqali kirishingiz kerak:

Tizimga kirish orqali siz qayta ishlashga rozilik bildirasiz Shaxsiy malumot

Sayohatchiga

Yana ko'ring

Xorazm viloyati

Farg'ona viloyati

Toshkent shaxri

Hammasini ko'rish