Tokio-2020 Olimpiya o‘yinlarining yakunlari hamda Paralimpiya o‘yinlari oldidan matbuot anjumani bo‘lib o‘tdi

Xabaringiz bor yozgi Olimpiya o‘yinlarida O‘zbekiston delegatsiyasi 3 ta oltin va 2 ta bronza medalini qo‘lga kiritib, umumjamoa hisobida dunyoning 206 ta davlati orasida– 32-o‘rinni egalladi. Osiyo davlatlari orasida hamyurtlarimiz 5-o‘rinni egallashgan bo‘lsa, MDH davlatlari orasida faqatgina Rossiya Olimpiya qo‘mitasi sportchilaridan ortda qoldi. Yurtimiz O‘zbekistonning eng ulug‘ va eng aziz bayrami bo‘lmish Mustaqillikning 30 yillik shodiyonasi uchun munosib sovg‘a bo‘ldi, desak mubolag‘a bo‘lmaydi.

Bugun 19-avgust kuni Axborot va ommaviy kommunikatsiyalar agentligida Tokio-2020 Olimpiya o‘yinlarining yakunlari hamda 24-avgust – 5-sentyabr kunlari bo‘ladigan Paralimpiya o‘yinlari oldidan matbuot anjumani bo‘lib o‘tdi.

Anjumanda Tokio-2020 olimpiadasi g‘olib va sovrindorlari, Turizm va sport vazirligi mutasaddilari, MOQ Bosh kotibi Oybek Kasimov va Paralimpiya qo‘mitasi rais o‘rinbosari Sharif Mo‘mindjanovlar ishtirok etishdi.

Sport mutasaddilari jurnalistlarning qiziqtirgan savollariga javob qaytarishdi. Hususan nega Oksana Chusovitinadan bayroqdorlik huquqini olishdi degan savolga “Biz Oksana Chusovitinani olimpiadadagi ishtiroki kalendar rejasiga qarab tuzdik agarda u bayroqdor bo‘lganida stadionda 4-5 soat turishi kerak bo‘lardi biz federatsiya bilan kelishgan holda uni zo‘riqtirib qo‘yishni istamadik va sizlarga shuni eʼlon qilmoxchiman-ki, Oksana Chusovitinani sport gimnastikasi maktabini ochish bo‘yicha ishlar olib bormoqda”-dedi Milliy Olimpiya qo‘mitasi Bosh kotibi Oybek Kasimov”.

Tokio-2020 XVI yozgi Paralimpiya o‘yinlari boshlanishiga ham tobora oz fursat qolmoda. O‘zbekistonlik pralimpiyachilar sportimiz tarixida yangi sahifa ochishni hozirdanoq boshlab yuborishdi desak, aslo mubolag‘a bo‘lmaydi. Boisi, Paralimpiya sport turlari bo‘yicha milliy terma jamoa sportchilari Tokio-2020 yozgi Paralimpiya o‘yinlariga har qachongidan ham ko‘proq yo‘llanmalarni qo‘lga kiritishdi. Bu bejiz emas, zero yurtboshimiz tomonidan paralimpiyachilarga berilayotgan eʼtibor, har bir sportchining jismoniy holatidan kelib chiqqan holda alohida mashg‘ulotlarni tashkil etilganligi atletlarimiz tomonidan qo‘lga kiritilgan yo‘llanmalar soni 55 taga (27 erkak, 21 ayol 48 sportchi) yetishini taʼminladi. Shu tariqa Paralimpiya o‘yinlarida ilk bor 8 sport turida sportchilarimiz bellashadilar.

Eslatib o‘tamiz, Tokio-2020 yozgi Paralimpiya o‘yinlari 2021-yilning 24-avgustidan 5-sentyabriga qadar bo‘lib o‘tadi. Bahslarni “Uzreport TV” telekanali orqali to‘g‘ridan-to‘g‘ri efir orqali tomosha qilishingiz mumkin. Delegatsiya 20-avgust kuni Tokio shahriga yo‘l oladi. Kuzatish marosimi Paralimpiya qo‘mitasi binosida bo‘lib o‘tadi. “Milliy PR-markazi” sportchilarimizga omad tilaydi.

Izoh qoldirish

Fikr qoldirish uchun siz ijtimoiy tarmoqlar orqali kirishingiz kerak:


Tizimga kirish orqali siz qayta ishlashga rozilik bildirasiz Shaxsiy malumot