ENG
RUS
JPN
ARA
FRA
CN
DE
POR
ESP
TUR
ITA
HIN
MALToshkent viloyatida qo'shni davlatlar vakillari ishtirokida forum o'tkazildi
Joriy yilning 25-mart kuni Parkent tumaniga Tojikiston Respublikasining So‘g‘d viloyati hamda Qirg‘iziston Respublikasining O‘sh viloyatlari turizm sohasi rasmiylari, tadbirkorlik subyektlari, OAV vakillari tashrif buyurdi.
Dastlab, Parkent tumanida joylashgan “Edelweiss” mehmonxonasida uchrashuv tashkil qilinib, Toshkent viloyatining turizm salohiyati tanishtirildi. So‘ngra, tadbir ishtirokchilari o‘rtasida B2B uchrashuvlari o‘tkazildi. Unda So‘g‘d va O‘sh viloyati turizm sohasi vakillari Toshkent viloyatining turizm imkoniyatiga yuqori baho berib, katta qiziqish bildirishdi.
Viloyatlar o‘rtasida turizm sohasida doimiy va davomiy hamkorlik qilish bo‘yicha kelishib olindi. Forum yakunida Toshkent viloyati, So‘g‘d va O‘sh viloyatlari Turizm boshqarmalari hamda tadbirkorlik subyektlari o‘rtasida 30 ga yaqin shartnoma va hamkorlik memorandumlari imzolandi. Shundan so‘ng, Parkent tumanida infoturlar tashkil etildi.
Shuningdek, forum ishtirokchilari Kumushkon MFYda joylashgan “Hazrat Ali” ziyoratgohiga tashrif buyurishdi. U yerda mehmonlarga ziyoratgoh tarixi hamda sayyohlar oqimi to'g'risida atroflicha ma’lumot berilib, oilaviy mehmon uyalariga ekskursiya uyushtirildi.
Info-tur davomida mehmonlar Parkent tumanida joylashgan Markaziy Osiyodagi yagona “Quyosh instituti” ilmiy laboratoriyasi faoliyati bilan tanishib, ushbu laboratoriya haqida to‘liq tasavvurga ega bo‘ldilar.
Izoh qoldirish
Tizimga kirish orqali siz qayta ishlashga rozilik bildirasiz Shaxsiy malumot
Shuningdek, oʻqing
Ish vaqti: 9:00-18:00, Du-Ju
Savollar uchun
O‘zbekiston
Izoh