Veb-portalda texnik ishlar olib borilmoqda!

Toshkent xalqaro investitsiya forumiga mezbonlik qiladi

760

2022-yilning 24-26-mart kunlari O‘zbekistonda iqtisodiyot va xalqaro investitsiyalar sohasida keng ko‘lamli tadbir – Birinchi Toshkent xalqaro investitsiya forumi (TXIF) bo‘lib o‘tadi.

Birinchi Toshkent xalqaro investitsiya forumi Markaziy Osiyo mintaqasi uchun yangi platforma boʻlib, unda Oʻzbekistonning investitsion salohiyati xalqaro sarmoya va ishbilarmon doiralar e’tiboriga namoyish etiladi.

Forum O‘zbekistonning jadal rivojlanayotgan bozoriga integratsiyalashuvdan manfaatdor bo‘lgan yirik xorijiy investitsiyalar, moliya-iqtisodiy tashkilotlar va kompaniyalar rahbarlarini jalb etishga qaratilgan.

Forumda 56 mamlakatdan 1,5 mingdan ortiq ishbilarmon va siyosiy doira vakillari, xalqaro tashkilotlar va moliya institutlari vakillari ishtirok etadi. Xususan, forumda Yevropa tiklanish va taraqqiyot banki, Osiyo taraqqiyot banki prezidentlari, bir qator davlat vazirlari, yirik korporatsiya va kompaniya rahbarlari ishtirok etadi.

Forumning birinchi kuni O‘zbekiston Respublikasi Prezidenti Shavkat Miromonovich ishtiroki etadigan yalpi majlisda forum ishtirokchilariga qutlov nutqi bilan ochib beriladi.

Birinchi yalpi majlisda shuningdek: Oʻzbekiston Respublikasi Bosh vazirining oʻrinbosari – Investitsiyalar va tashqi savdo vaziri Sardor Umurzoqov, Yevropa tiklanish va taraqqiyot banki prezidenti Odil Renaud-Basso, Osiyo taraqqiyot banki prezidenti Masatsugu Asakava, Saudiya Arabistoni investitsiyalar vaziri Xolid al-Falih, Jahon savdo tashkiloti bosh direktori o‘rinbosari Syanchen Chjan, Osiyo bankining Infratuzilmalar investitsiyasi bo‘yicha vitse-prezidenti Konstantin Limitovskiy, XMK operatsiyalari bo‘yicha katta vitse-prezidenti Stefani fon Frideburglar ishtirok etishadi.

Forumning ishbilarmonlik dasturidan O‘zbekiston va mintaqa davlatlarining sarmoyaviy, savdo-sanoat, transport va tranzit salohiyatini ochib berish, ijtimoiy-iqtisodiy islohotlarni amalga oshirish bo‘yicha keyingi chora-tadbirlarni e’lon qilish, sohaviy panel sessiyalari, tematik muhokamalar va davra suhbatlari o‘rin olgan. Shuningdek mamlakatni strategik rivojlantirish, xususiy sektorni rag'batlantirish va xalqaro aloqalarni mustahkamlash bo'yicha hukumatning ustuvor yo'nalishlarini belgilab beradi.

Forum doirasidagi qiziqarli taqdimotlarda O‘zbekistonning turli tarmoqlari va mintaqalarining sarmoyaviy va savdo imkoniyatlari, moliya bozorini rivojlantirish istiqbollari, mahalliy sanoatni modernizatsiya va raqamlashtirish, savdoni erkinlashtirish, xalqaro bozorlar va mamlakatni mintaqaviy integratsiyalashuviga oid chora-tadbirlar ochib beriladi.

Toshkent investitsiya forumi doirasida, shuningdek, G2G, G2B va B2B formatlarida ikki tomonlama uchrashuv va muzokaralar o‘tkazish, o‘zaro manfaatli hamkorlikni yanada rivojlantirish istiqbollari va amaliy jihatlarini muhokama qilish rejalashtirilgan.

Toshkent investitsiya forumi doirasida O‘zbekiston Ish beruvchilar konfederatsiyasi va Birlashgan Millatlar Tashkilotining Yevropa iqtisodiy komissiyasi qo‘shma tadbirlari ham bo‘lib o‘tadi, ulardan biri to‘qimachilik, charm va ipak sanoatining sarmoyaviy salohiyatiga bag‘ishlanadi.

26-mart kuni tadbirlar yakunlangach, O‘zbekistonning tarixiy joylariga sayohat (ishtirokchilar istagiga ko‘ra), xususan, turistik shahar bo‘lmish Samarqand va Samarqandning “Afrosiyob Jeans” tekstil fabrikasiga tashrif buyurish rejalashtirilgan.

Izoh

0

Izoh qoldirish

Fikr qoldirish uchun siz ijtimoiy tarmoqlar orqali kirishingiz kerak:


Tizimga kirish orqali siz qayta ishlashga rozilik bildirasiz Shaxsiy malumot

Yana ko'ring