Toshkentda “Art Bazar” koʻrgazma-yarmarkasi boʻlib oʻtadi

11-sentyabr kuni “International Hotel Tashkent” mehmonxonasida mamlakatimizning bir nechta viloyatlari hunarmandlarning qo‘l mehnati bilan yaratilgan buyumlari namoyish etiladi.

Yarmarkada Toshkent, Buxoro, Samarqand, Shahrisabz va Farg‘ona vodiysidan kelgan ustalarning mahsulotlarini xarid qilishingiz mumkin. Tadbir nafaqat toshkentliklar, balki ko‘plab mehmonlar va xorijliklarning ham e’tiborini tortmoqda, chunki yarmarkaga respublikaning barcha hududlaridan hunarmandlar va ularning shogirdlari tashrif buyuradilar.

“Art Bazar” yarmarkasida quyidagilar taqdim etiladi:

- original zargarlik buyumlari va aksessuarlar;

- tabiiy matolardan tikilgan kiyimlar;

- barcha turdagi shisha, keramika, charm va to‘qimachilik mahsulotlari hamda boshqa ko‘plab buyumlar.

Vaqti: 10:00 dan 18:00 gacha.

Kirish bepul.