Toshkentda Tokio-2020 litsenziyasini qo‘lga kiritgan dyudochilarni taqdirlash marosimi bo‘lib o‘tdi

651

10 iyul kuni Turizm va sport vazirligida Tokiodagi XXXII Olimpiya o‘yinlari uchun litsenziyalarni qo‘lga kiritgan dzyudochilar va ularning murabbiylarini taqdirlash marosimi bo‘lib o‘tdi.

Tadbirda O‘zbekiston Respublikasi Prezidenti maslahatchisi A.Abduvahitov, O‘zbekiston Respublikasi Bosh vaziri o‘rinbosari-turizm va sport vaziri Aziz Abduhakimov, federatsiya mutasaddilari, dzyudochilar, ularning ota onalari, murabbiylar hamda ommaviy axborot vositalari xodimlari ishtirok etdi.

Dastlab O‘zbekiston Respublikasi Prezidenti maslahatchisi A.Abduvahitov dzyudo bo‘yicha O‘zbekiston terma jamoasi a’zosi Gulnoza Matniyozovani mukofotlash to‘g‘risidagi Prezident Farmonini o‘qib eshittirdi hamda yuksak davlat mukofoti - "Shuhrat" medalini sportchimizga topshirdi.

Tantanali marosimda XXXII yozgi olimpiya o‘yinlarining 10 nafar (7 erkak, 3 ayol) litsenzianti hamda ularning murabbiylariga bir martalik pul mukofotlari topshirildi. Dzyudochilar 100 mln, ularning murabbiylari 50 mln so‘mlik sertifikatlarni qabul qilib olishdi. Dzyudochilar nomidan so‘zga chiqqan Davlat Bobonov, Gulnoza Matniyazova, terma jamoa murabbiyi O‘ktam Rahmonov bildirilgan yuksak ishonchni oqlash uchun Olimpiadada bor imkoniyatlarini ishga solishga va’da berishdi.

Ma’lumot uchun, O‘zbekiston dzyudosi tarixida ilk bor terma jamoamizning 10 nafar a’zosi Olimpiadada yurtimiz sharafini himoya qiladi. Shuningdek, jamoaviy mikst bahslarida ham ilk bor ishtirok etamiz.

Bugungi kunga kelib, XXXII yozgi Olimpiya o‘yinlarida ishtirok etadigan O‘zbekiston delegatsiyasining yakuniy tarkibi ma'lum bo‘ldi. O‘z yo‘nalishlaridan kelib chiqqan holda, sportchilarimiz 2017 yildan hozirgai kunga qadar Tokio-2020 litsenziyalari uchun turli musobaqalarda ishtirok etishdi. Natijada O‘zbekiston 17 ta sport turi bo‘yicha 71 ta litsenziya olishga muvaffaq bo‘ldi.

11 iyul kuni terma jamoamiz delegatsiyasi Yaponiyaning Maidzuru shahriga jo‘nab ketdi. Olimpiadaga tayyorgarlikning yakuniy bosqichi Kunchiqar mamlakatning poytaxti Tokio shahrida bo‘lib o‘tadi.

Ulashish:

Izoh

Izoh qoldirish

Fikr qoldirish uchun siz ijtimoiy tarmoqlar orqali kirishingiz kerak:

Tizimga kirish orqali siz qayta ishlashga rozilik bildirasiz Shaxsiy malumot

Sayohatchiga

Yana ko'ring

Dzyudo bo‘yicha O‘zbekiston terma jamoasi “Katta dubulg‘a” turnirni uchta medal bilan yakunladi

Qo‘l jangi sport turi bo‘yicha O‘zbekiston kubogi bo‘lib o‘tadi

Jiu-jitsu sport turi bo‘yicha O‘zbekiston kubogi bo‘lib o‘tadi

Hammasini ko'rish