Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
15-16 yanvar kunlari Toshkent davlat sirkida “Jun va ipak” xalqaro mushuklar ko‘rgazmasi bo‘lib o‘tadi.
"Jun va ipak" mushuklar ko‘rgazmasi muntazam ravishda o‘tkaziladigan, jamoatchilik va sayyohlar e’tiborini hayvonlarning himoyasi bilan bog‘liq muammoga qaratadigan noyob tadbirga aylanishi uchun mo‘ljallangan.
Ko‘rgazma O‘zbekiston Respublikasi Turizm va sport vazirligi, “Hayot” hayvonlarni muhofaza qilish notijorat tashkiloti va “Mushukkent” loyihasi ko‘magida o‘tkazilmoqda.
Ko‘rgazmada O‘zbekiston va xorijiy mamlakatlardan mushuk boquvchilar, Rossiya va Gollandiyadan taniqli mutaxassislar ishtirok etadi.
Ko‘rgazma dasturida: turli mushuk zotlari o‘rtasidagi tanlovlar, shou dasturlari, yarmarkalar va xayriya tadbirlari o‘tkazish rejalashtirilgan. Ko‘rgazma doirasida bolalar ishtirokida hayvonlarga nisbatan mehr uyg‘otish maqsadida turli o‘yinlar o‘tkaziladi.
Tashkilotchilar ta’kidlaganidek, hayvonlarga mehr-muhabbatni kuchaytirish, ularga mas’uliyat bilan munosabatda bo‘lish, jonivorlarga munosabat madaniyatini shakllantirish maqsadida bunday ko‘rgazmalar dunyoning ko‘plab yirik shaharlarida keng o‘tkazilmoqda.
2016-yildan buyon Toshkentda shunga o‘xshash ko‘rgazmalar o‘tkazib kelinmoqda, ular orasida “Bahor Koshkent”, “Kuzgi Koshkent”, “Koshemir” va “CatWorld” loyihalarini alohida ta’kidlash joiz.
Ko‘rgazmaga kirish pullik. Chipta savdosidan tushgan mablag‘ning katta qismi Davlat sirki foyesini ta’mirlash xarajatlarini qoplash uchun ajratiladi.
Ish vaqti: 9:00-18:00, Du-Ju
Savollar uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
