Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
2021-yil 21-iyunda I.A.Karimov nomidagi Toshkent xalqaro aeroportida Qozog‘iston “Fly Arystan” aviakompaniyasi “Air Astana” sho‘ba korxonasining “Turkiston-Toshkent-Turkiston” yo‘nalishidagi yangi muntazam parvozni tantanali kutib olish marosimi bo‘lib o‘tdi.
Tadbirda “Uzbekistan Airports” AJ rahbariyati, O‘zbekiston Respublikasi Turizm va sport vazirligi xodimlari, Qozog‘iston Respublikasining O‘zbekistondagi elchixonasi vakillari, mahalliy ommaviy axborot vositalari va blogerlar ishtirok etishdi.
“Fly Arystan” - Olmaotada joylashgan “Air Astana” tarkibidagi Qozog‘istonning birinchi aviakompaniyasidir. Aviakompaniya 2019-yil 1-maydan boshlab Olmaota, Nur-Sulton, Qarag‘anda, Kokshetau, Taraz, Pavlodar, Chimkent va Uralsk shaharlari o‘rtasida Airbus A320 samolyotlarida ichki doimiy tijorat reyslarini amalga oshirishni boshlagan.
O‘zbekistonga yangi muntazam reyslarni ochish doirasida va ikki mamlakatning sayyohlik salohiyatini targ‘ib qilish maqsadida, Qozog‘iston va O‘zbekiston shaharlarida yetakchi ommaviy axborot vositalari vakillari, blogerlar, vaynerlar va inflyuenserlar ishtirokida qo‘shma infoturalar o‘tkazish rejalashtirilgan edi.
Uchrashuv davomida mahalliy ommaviy axborot vositalari va blogerlar ishtirokida press-brifing tashkil etilib, unda pandemiyadan keyin ikki mamlakat o‘rtasida yangi muntazam parvozlar va yangi qo‘shma loyihalar boshlanishi munosabati bilan turizmni rivojlantirishning yangi imkoniyatlari haqida batafsil ma‘lumot berildi.
Eslatib o‘tamizki, ikki mamlakat o‘rtasida havo aloqasi tiklangandan so‘ng doimiy yo‘lovchi reyslari “Toshkent – Olmaota” va “Toshkent - Nur-Sulton” yo‘nalishi bo‘yicha “Uzbekistan Airways” va “Air Astana” tomonidan amalga oshirilriladi.
Bundan tashqari, “Uzbekistan Airways” va “SKAT Airlines” aviakompaniyalari tomonidan “Urganch - Oqtov – Urganch” yo‘nalishida va “SKAT Airlines” tomonidan “Oqtov - Nukus – Oqtov” yo‘nalishi bo‘yicha muntazam reyslar ochildi.
Aviakompaniyaning “Turkiston-Toshkent-Turkiston” yo‘nalishidagi xalqaro reyslari haftada 2 marotaba muntazam ravishda amalga oshiriladi.
Ish vaqti: 9:00-18:00, Du-Sh
Har qanday savol uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
