Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Yurtimizda dastlabki yillarda har jabhalarda katta yangilanishni kuzatmoqdamiz. Turizm sohasiga yurtboshimiz hamda hukumatimiz tomondan alohida eʼtibor qaratilmoqda. 14 iyun kuni O‘zbekiston Respublikasi Vazirlar Mahkamasining “2021-2022 yillarda Xorazm viloyatining turizm salohiyatini yana-da rivojlantirish chora-tadbirlari to‘g‘risida” qarori imzolanishi buni yaqqol isbotidir.
Unda Xorazm viloyatining turizm salohiyatidan samarali foydalangan holda uni yana-da rivojlantirish uchun Vazirlar Mahkamasi tomonidan qator vazifalar belgilangan. Turizm infratuzilmasini rivojlantirish, shu jumladan «turizm mahallalari»ni tashkil etish, tashrif buyuruvchi turistlar uchun qo‘shimcha xizmat turlari va qulay shart-sharoitlar yaratilishi belgilangan. Asosiy maqsadlardan biri milliy hunarmandchilikni rivojlantirish, madaniy ko‘ngilochar tadbirlar va festivallarni tashkil etish hamda yoshlarni sportga jalb qilish bo‘yicha katta ishlar olib borilmoqda. Ushbu qarorda ekoturizm, tibbiyot, taʼlim hamda etnografik, gastronomik, ishbilarmonlik turizmini rivojlantirish ham ko‘zda tutilgan.
Turizm loyihalariga xorijiy va mahalliy investitsiyalarni hamda moliya institutlarining mablag‘larini jalb qilish yurtimizni Tur izm sohasini salohiyatini yana-da oshiradi. 2021 yil 1 iyuldan boshlab esa Xiva shahridagi YUNESKO Umumjahon merosi ro‘yxatiga kiritilgan hududlar va moddiy madaniy merosning ko‘chmas mulk obyektlarining qo‘riqlanadigan tegrasidan tashqari, yer uchastkalari mehmonxonalar qurish uchun jismoniy va yuridik shaxslarga «E-IJRO AUKSION» yagona elektron savdo maydonchasidagi elektron auksion orqali taqdim etiladi va quyidagi qo‘shimcha investitsiya majburiyatlari yuklanadi. Savdoga qo‘yiladigan yer maydonlari YUNESKO ishlari bo‘yicha O‘zbekiston Respublikasi Milliy komissiyasi bilan kelishilishgan holda ish yuritadi. O‘zbekiston Respublikasi Vazirlar Mahkamasining 2019 yil 13 fevraldagi «2019-2020 yillarda Xorazm viloyatida turizm sohasini rivojlantirish bo‘yicha qo‘shimcha chora-tadbirlar to‘g‘risida»gi 119-son qaroriga muvofiq «Shovot» kichik turizm zonasi tashkil etildi va uni rivojlantirish bo‘yicha konsepsiyalar ishlab chiqilmoqda.
Ekologiya va atrof-muhitni muhofaza qilish davlat qo‘mitasi bilan birgalikda turizm infratuzilmasi obyektlarining loyihasini belgilangan tartibda davlat ekologik ekspertizadan o‘tkazilishini taʼminlanadi. 2021 yil 1 noyabrga qadar «Xiva turistik transport koridori» hududida ishga tushirishning aniq muddatlarini belgilagan holda quriladigan turizm infratuzilmasi obyektlarining manzilli ro‘yxatini tuzib chiqilmoqda. «Xiva turistik transport koridori» hududida Wi-Fi zonalarini tashkil etish bo‘yicha choralar ko‘rilmoqda. «Ichan qalʼa» davlat muzeyida 2021 yil 1 avgustdan boshlab turizm mavsumi (mart — iyun, avgust — noyabr) davomida har kuni soat 5:00 dan 24:00 gacha ish yuritadi. Spektakl shoulari, havo sharida ekskursiya, majmua tarixi haqida qisqa metrajli filmlar namoyishi bo‘lib o‘tadi. Ushbu qaror Xorazm viloyati turizm salohiyatini rivojlantirish uchun juda katta ahamiyatga ega va umid qilamiz ushbu qaror Xorazm viloyati turizm sohasini yangi darajaga olib chiqadi.
Ish vaqti: 9:00-18:00, Du-Sh
Har qanday savol uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
