Foto va Video

“Wanderlust” xalqaro onlayn jurnalida mamlakatimizning turizm salohiyatini targ‘ib qilish bo‘yicha reklama kampaniyasi boshlandi

11.06.2024 75

Mashhur xalqaro “Wanderlust” onlayn jurnali bilan hamkorlik doirasida O‘zbekistonning turizm salohiyatini targ‘ib qilishga qaratilgan keng ko‘lamli reklama kampaniyasi boshlandi. Ushbu tashabbus sayohatchilar e’tiborini mamlakatimizning boy madaniyati va tabiiy merosiga jalb qilish uchun mo‘ljallangan.

Jurnaldagi maqolalarni mamlakatimizning tabiat mo‘jizalariga bag‘ishlash rejalashtirilmoqda. “The Natural Wonders of Uzbekistan” (“O‘zbekiston tabiat mo‘jizalari”) mavzusida ko‘plab epik diqqatga sazovor joylar targ‘ib qilinadi. Obunachilar ochiq havoda sayr qilish va ekoturizm uchun turli imkoniyatlarni taqdim etuvchi go‘zal Chimyon tog‘lari, Qizilqum cho‘li, Nurota tog‘lari va Aydarko‘l ko‘li bilan tanishish imkoniga ega bo‘ladilar.

Hamkorlikning asosiy maqsadi betakror, sarguzashtli koʻp platformali kontent ishlab chiqish va uni jurnalning raqamli, ijtimoiy va bosma kanallarida keng targ‘ib qilish orqali O‘zbekistonni Markaziy Osiyoning durdonasi sifatida Yevropa va Buyuk Britaniyaga namoyish qilishdan iborat. Shunday qilib, reklama kampaniyasi sayyohlar oqimini ko‘paytirish va O‘zbekistonning o‘ziga xos madaniyati va tabiatini dunyoga namoyish etishga qaratilgan.

Ma’lumot uchun: “Wanderlust” jurnali 1993-yildan buyon faoliyat yuritib keladi. Jurnal Buyuk Britaniyaning yetakchi mustaqil sayyohlik media brendi hisoblanadi va dunyoning 70 mamlakati bilan hamkorlik qiladi. Bugungi kunga qadar Wanderlust jurnali 50 000 dan ortiq maqolalarni nashr etgan va 100 000 dan ortiq obunachilarga ega.

Izoh

0

Izoh qoldirish

Fikr qoldirish uchun siz ijtimoiy tarmoqlar orqali kirishingiz kerak:


Tizimga kirish orqali siz qayta ishlashga rozilik bildirasiz Shaxsiy malumot

Shuningdek, oʻqing