TXTY-2022

Xalq o‘yinlari, tog‘ chang‘isi va snouboard: Chimyonda “Chimgan challenge-2022” festivali bo‘lib o‘tdi

232

Bugun, 18-fevral kuni Toshkent viloyatining Bo'stonliq tumanida “Chimgan challenge-2022”qishki ekstremal va ommaviy sport festivalining tantanali ochilish marosimi bo‘lib o‘tdi.

O‘zbekiston Respublikasi turizm va sport vazirligi vakillari va Toshkent viloyati hokimining o‘rinbosari Jamshid Babajonov rasmiy ochilishda so‘zga chiqdi, undan tog‘ning yuqori qismidan chang‘ichilar va snoubordchilar O‘zbekiston Respublikasi bayroqlari bilan tantanali tushishi boshlandi.

Festival davomida ishtirokchilarni iliq kutib olish uchun O‘zbekiston Respublikasi mudofaa vazirligi milliy orkestri, shuningdek, raqs guruhi va san‘atkorlar ko‘rgazmali chiqishlarni namoyish etishdi.

Festivalda Qozog‘iston, Qirg‘iziston, Fransiya, Germaniya va Koreyadan kelgan qishki sport turlari sportchilari, sog‘lom turmush tarzini targ‘ib etishga mas‘ul davlat idoralari vakillari, sport ixlosmandlari ishtirok etdi. Tadbir ishtirokchilari tog‘ chang‘isi, snoubording, arqon tortish va kamondan otish kabi sport turlari bo‘yicha o‘zaro raqobatlashdi.

Ta’kidlash joizki, festival doirasida sog‘lom turmush tarzini targ‘ib etishga mas’ul davlat xizmatchilari uchun seminar-trening bo‘lib o‘tdi. Festivalning ikkinchi kunida shaxmat, mini-futbol va badminton musobaqalari bo‘lib o'tdi. Tadbir yakunida ushbu festival g‘oliblari tantanali ravishda taqdirlandilar.

So‘nggi yillarda mamlakatda turizmning boshqa turlari bilan bir qatorda hukumat tog‘ turizmini rivojlantirishga ham e’tibor qaratmoqda, chunki O‘zbekiston nafaqat qadimiy shaharlar, balki eng go‘zal tog‘lar bilan ham mashhur. Shuni ham ta’kidlash joizki, mamlakatda mavsumdan qat’i nazar, turizm butun yil davomida mavjud.

Festivalda ishtirokchilar xavfsizligi va sog‘lig‘ini ta’minlash maqsadida yo‘l va sport maydonchalarida tegishli idoralar jalb etildi.

Sharxlar

0

O‘z fikringizni qoldiring

Fikr qoldirish uchun siz ijtimoiy tarmoqlar orqali kirishingiz kerak:


Kirish orqali siz shaxsiy ma'lumotlarni qayta ishlashga rozilik bildirasiz

Shuningdek ko‘ring