Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Prezidentimizning joriy yil 21-avgustdagi “Xalqaro zamonaviy san’at biyennalesini yuqori darajada o‘tkazish chora-tadbirlari to‘g‘risida”gi Qaroriga binoan, birinchi Buxoro biyennalesi doirasida 14 ta madaniy meros obyekti ko‘rgazma va tadbirlar, ta’lim va tadqiqot, ijod va ishlab chiqarish jarayonlarini qamrab oluvchi ijodiy markazga aylantiriladi.
Mamlakatimiz tarixida ilk bor ushbu san’at forumi doirasida Markaziy Osiyo va dunyoning boshqa mamlakatlaridan kelgan mahalliy ustalar va rassomlar bilan hamkorlikda yaratilgan 70 dan ortiq zamonaviy loyiha namoyish etiladi.
Xususan, taniqli ijodkor-ustalar tomonidan 60 dan ortiq san’at obyektlari, jumladan, installyatsiyalar yaratilishi, ulardan biyennale o‘tkaziladigan joylarni badiiy bezashda foydalanilishi, eng sara namunalarning jahon bo‘ylab ko‘rgazmalarda namoyish etilishi rejalashtirilgan.
Bundan tashqari, Buxoro biyennalesi haqida hujjatli film yaratlib, u orqali mamlakatimizning sayyohlik salohiyati keng miqyosda targ‘ib etiladi.
Har bir tomoshabin tadbirlar turkumida ishtirok etish jarayonida O‘zbekistonning boy madaniy merosi, qadriyatlari va qadimiy shaharlari to‘g‘risida qo‘shimcha ma’lumotlar oladi. Shubhasiz, bu sayyohlarning yurtimizga bo‘lgan qiziqishini yanada oshirishga xizmat qiladi.
Manba: UzA
Ish vaqti: 9:00-18:00, Du-Ju
Savollar uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
