ENG
RUS
JPN
ARA
FRA
CN
DE
POR
ESP
TUR
ITA
HIN
MALXiva – 2024-yilda Islom hamkorlik tashkilotining turizm shahri
Joriy yilning 31-may – 2-iyun kunlari 2024-yilda “Xiva – Islom hamkorlik tashkilotining turizm shahri” etib tayinlanganligi musobati bilan qator xalqaro tadbirlar o‘tkaziladi.
2022-yil Boku shahrida bo‘lib o‘tgan Islom hamkorlik tashkiloti (IHT) ga a’zo davlatlar turizm vazirlarining XI sessiyasida ikki yarim ming yillik tarixga ega qadimiy Xiva shahri 2024-yilda “Islom dunyosining turizm poytaxti” deb e’lon qilingan edi.
Shu munosabat bilan, Xiva shahri tez kunlarda butun Islom olamining diqqat-e’tiborini o‘zida jamlaydi. O‘zbekistonda o‘tkazilayotgan navbatdagi nufuzli tadbirlar doirasida IHTga a’zo davlatlar turizm vazirlarining XII sessiyasi o‘tkaziladi. Sessiya davomida IHTga a’zo mamlakatlarning turizm salohiyati taqdimotlari o‘tkaziladi, amalga oshirilgan ishlar natijalari tahlil qilinadi, istiqboldagi rejalar ko‘rib chiqiladi.
Xiva nafaqat umumjahon merosiga talluqli noyob tarixiy obidalari, balki YuNESKO tomonidan insoniyat nomoddiy madaniy merosining ajralmas qismi sifatida e’tirof etilgan Xorazm raqsi – “Lazgi” kabi milliy qadriyatlari bilan ham mashhur. Xorazm oshxonasi, jumladan, “Tuxum barak”, “Shivit oshi”, “Ijjan” va mahalliy baliqdan tayyorlangan noyob taomlari bu ko‘hna zaminning o‘ziga xos madaniyatini ko‘z-ko‘z etadi.
Ta’kidlash lozimki, Xiva shahriga Islom olamining turistik poytaxti maqomini berish shaharni xalqaro turizm bozoridagi eng yaxshi sayyohlik markazlaridan biriga aylantirish imkoniyatini beradi. YuNESKO mutaxassislari hatto Xivani qadimgi Afina, Rim va Qohira bilan solishtirishadi.
Ma’lumot uchun, 1990-yilda YuNESKOning Butunjahon merosi ro‘yxatiga kiritilgan qadimiy “Ichan qal’a” majmuasi Ipak yo‘li bo‘ylab yaxshi saqlanib qolingan o‘rta asr inshootlaridan biri hisoblanadi.
Izoh qoldirish
Tizimga kirish orqali siz qayta ishlashga rozilik bildirasiz Shaxsiy malumot
Shuningdek, oʻqing
Ish vaqti: 9:00-18:00, Du-Ju
Savollar uchun
O‘zbekiston
Izoh