Xivada “Markaziy Osiyo jahon sivilizatsiyalari chorrahasida” xalqaro madaniy forumi bo‘lib o‘tadi

Markaziy Osiyo - boy tarix va madaniy ilmiy merosga ega bo‘lgan sivilizatsiyaning eng qadimgi beshigi. Qit’alararo savdo va madaniy yo‘llar chorrahasida joylashgan bu viloyat ma’rifat, ilm-fan va ta’lim, shuningdek, g‘oya, e’tiqod, bilim va hunarmandchilik almashish markazi bo‘lgan.

2021-yilning 13-21 sentabr kunlari Xivada O‘zbekiston madaniy merosi sohasida keng ko‘lamli tadbir – “Markaziy Osiyo jahon sivilizatsiyalari chorrahasida” xalqaro madaniy forumi bo‘lib o‘tadi.

Forum O‘zbekiston Respublikasi Prezidenti Sh.M.Mirziyoyev tashabbusi va YuNESKO homiyligida o‘tkazilmoqda. Xalqaro madaniy forum butun mintaqadagi mahalliy va hukumat rahbarlarini birlashtirib, mintaqaviy muammolarni muhokama qilish va ularni samarali hamkorlik orqali hal qilishga qaratilgan. Bundan tashqari, forumda mintaqaning barqaror rivojlanishi uchun iqlim o‘zgarishi va COVID-19 pandemiyasi keltirib chiqaradigan tahdid va muammolar, shuningdek, uning boy madaniy merosining yuqoridagi muammolarni hal qilishdagi hissasi muhokama qilinadi.

Forumda kimlar ishtirok etadi:

• akademik muassasalar vakillari, Markaziy Osiyodagi tadqiqotlarga ixtisoslashgan ekspertlar va olimlar, ijtimoiy va gumanitar fanlar sohasidagi olimlar shu jumladan, falsafa, tilshunoslik, tarix, meros, san’at, antropologiya, sotsiologiya va boshqa soha vakillari.

• Markaziy Osiyo davlatlari - O‘zbekiston, Qozog‘iston, Turkmaniston, Tojikiston, Qirg‘iziston, Afg‘oniston, Eron, Rossiya Federatsiyasi va Xitoyning fan, ta’lim va madaniyat vazirlari, shuningdek, YuNESKO Bosh direktori va Bosh direktorning ijtimoiy va gumanitar fanlar bo‘yicha o‘rinbosari.

Forum doirasida TRUKSOY Madaniyat vazirlari doimiy kengashining yig‘ilishi bo‘lib o‘tadi, uning davomida “Xiva - turk dunyosining madaniy poytaxti” hisoboti, madaniy poytaxt haqidagi taqdimot tinglanadi. 2022-yildagi turk dunyosining taqdimoti bo‘lib o‘tadi va kelasi uch yilga TURKSOY Bosh kotibi saylanadi.

2021-yil 13-21 sentabr kunlari Toshkent, Xiva va Nukusda bo‘lib o‘tadigan xalqaro forum bilan bir qatorda madaniy meros haftaligining bir qator tadbirlari o‘tkaziladi. Xususan, O‘zbekiston madaniy merosini o‘rganish, saqlash va ommalashtirish Butunjahon jamiyatining V Kongressi bo‘lib o‘tadi. Unda dunyoning 46 mamlakatidan 350 dan ortiq olim va mutaxassislar ishtirok etadi: yetakchi sharqshunoslar, koranologlar, tadqiqotchilar, qo‘lyozmalar va miniatyuralar bo‘yicha mutaxassislar va boshqalar.

Forum dasturiga o‘ndan ortiq turli ko‘rgazmalar va “O‘zbekiston madaniy merosi jahon to‘plamlarida” turkumidagi 50 ta noyob kitob-albom taqdimoti rejalashtirilgan.

Qimmatli foliolarni keyinchalik O‘zbekistonda joylashgan xorijiy davlatlarning muzeylari, galereyalari, ta’lim muassasalari, elchixonalari va konsulliklariga o‘tkazish rejalashtirilgan.

Madaniy meros haftaligi va “Markaziy Osiyo jahon sivilizatsiyalari chorrahasida” xalqaro forumi davomida, Xalqaro baxshichilik san’ati festivali va “Arxeologiya va turizm: meros salohiyati va boshqaruvini aniqlash” hamda xalqaro ilmiy-nazariy konferentsiyalar bo‘lib o‘tadi. “Baxshichilik san’atining jahon madaniyati sivilizatsiyasidagi o‘rni” Nukusda bo‘lib o‘tadi.

Shuningdek ko‘ring

1. O‘zbekiston dunyoda sayyohlar oqimi eng tez o‘sayotgan TOP-7 mamlakatlar qatoriga kirdi

2. Euronews O‘zbekistonning sayyohlik durdonalarini namoyish etdi - Samarqanddan tortib Navoiygacha

3. Mo‘g‘uliston Turizm sohasi vakillari O‘zbekiston sayyohlik salohiyati bilan tanishdilar

4. O‘zbekiston delegatsiyasi “Qatar Travel Mart 2025” ko‘rgazmasida ishtirok etmoqda

5. Euronews, BBC va CNN Sharqning buyuk mutafakkirlari va olimlari haqida roliklar namoyishini boshladi

6. O‘zbekistonning turizm sohasi jadal sur’atlarda o‘sishda davom etmoqda

7. Euronews: An’analar va ijod O‘zbekistonni turizm markaziga aylantirmoqda

8. “Anklavlarga sayohat” dasturi doirasida “Farg‘ona – Batken turistik halqasi” ishlab chiqildi

9. Toshkent 2026-yilda Osiyoning sayohat qilish uchun eng yaxshi manzillari ro‘yxatiga kiritildi

10. “World Travel Market London – 2025” ko‘rgazmasida O‘zbekiston milliy stendi tashkil etildi

Barchasini ko'rish