MICE turizm

O‘zbekistondagi eng qiziqarli, rang-barang va ma’rifiy tadbirlardan biri bu festivallardir. O‘zbek xalqining madaniyati va an’analarini to‘liq anglash uchun mamlakat bo‘ylab sayohatingiz davomida bo‘lajak festivallardan biriga tashrif buyurishni tavsiya qilamiz.

Biroq, siz mamlakatimizga nafaqat jonli madaniy meros festivallari uchun, balki gavjum Toshkentda yoki Mo‘ynoqda, Orol dengizi sohilidagi sahro o‘rtasida elektron musiqa festivallarida dunyoga mashhur didjeylarning elektron musiqalarini tinglash uchun ham kelishingiz mumkin.

Ixtiyor o‘zingizda!

Mamlakatimizda xalq amaliy san’ati va tasviriy san’atdan tortib sanoat mahsulotlarigacha bo‘lgan eng yorqin va rang-barang ko‘rgazmalar o‘tkazilmoqda. Bu yerdagi ko‘rgazma shunchaki tadbir emas, balki tor ixtisoslashgan doiradagi mutaxassislar bilan uchrashish, yangi hamkorlar izlash, tajriba almashish va shartnomalar tuzish uchun maydon hamdir.

“Ipak yo‘lida turizm”, “Made in Uzbekistan”, “Food Week Uzbekistan” va boshqalar Toshkent xalqaro turizm yarmarkasi O‘zbekistondagi eng yirik tadbirlardandir.

Keyingi yillarda O‘zbekistonda butun dunyoda talabga ega bo‘lgan turizmning turli turlari faol rivojlanmoqda. Bu an’ana tadbirkorlar orasida MICE turizmi nomi bilan mashhur bo‘lgan ishbilarmonlik turizmni ham chetlab o‘tmadi.

Sayohatlar, uchrashuvlar va boshqa ishbilarmonlik tadbirlarini tashkil etish nuqtai nazaridan O‘zbekiston katta konferensiya zallari hamda yarmarka va ko‘rgazmalar o‘tkaziladigan joylarga ega hashamatli mehmonxonalarni taklif qilishi mumkin. Bundan tashqari, mahalliy turoperatorlar bunday tadbirlarni tashkil etishda yordam berishi mumkin.

Mamlakatimizda vaqti-vaqti bilan turli sohalarga oid ko‘rgazma va yarmarkalar, seminar va davra suhbatlari o‘tkazilib, ularda dolzarb masalalar, biznes g‘oyalarni muhokama qilish, yangi hamkorlar bilan tanishish, foydali shartnomalar tuzish mumkin.

Masalan, O‘zbekistonda har yili turizm sohasidagi eng muhim tadbirlardan
biri – “Ipak yo‘lida turizm” Toshkent xalqaro turizm yarmarkasi bo‘lib o‘tadi, unda butun dunyodan ko‘plab sayyohlik sohasi mutaxassislari ishtirok etadi.

Shu sababli, O‘zbekistonga xizmat safarini rejalashtirayotib, mamlakatda tashkil etiladigan biznes tadbirlar taqvimi bilan tanishib chiqishingizni tavsiya qilamiz, bu yerda har bir inson uzoq vaqtdan beri izlayotgan narsasini topa oladi!