Tibbiy turizm

Sog‘likka foydasi tegadigan sayohat qilmoqchisiz – O‘zbekistonga keling! O‘zining betakror tabiati va iqlimi tufayli mamlakatimiz azaldan Markaziy Osiyodagi asosiy dam olish maskanlaridan biri bo‘lgan. Bu yerda, har bir hududda, dam olish uchun sanatoriy va dispanserlar mavjud.

O‘zbekistonning ko‘plab sanatoriylari asosan shahardan tashqarida va tog‘ oldi zonalarida joylashgan bo‘lib, bu bemorlarning davolanishiga ijobiy taʼsir ko‘rsatadi.

O‘zbekistondagi barcha klinikalar sizga murakkab laboratoriya, konsultativ tekshiruvlar va zamonaviy diagnostika usullaridan tortib, standart muolajalar va murakkab jarrohlik operatsiyalarigacha bo‘lgan keng ko‘lamli ko‘p tarmoqli xizmatlarni taqdim etadi.

O‘zbekiston azaldan tish davolash va protezlash uchun mashhur joy bo‘lib kelgan. Bizning mutaxassislarimiz stomatologiya bo‘yicha bazaviy taʼlimdan tashqari, Evropa va AQSHning eng yirik xalqaro klinikalarida amaliyot o‘taydilar. Xususan, Toshkent shahrida eng zamonaviy uskunalar bilan jihozlangan, chet tillarini biladigan yuqori malakali kadrlarga ega bo‘lgan bir qator stomatologiya va ortodontik klinikalar mavjud. Ular ilg‘or xorijiy tibbiyot muassasalari bilan nou-xau almashinuvini olib boradilar.

O‘zbek xalq tabobati Ibn Sino taʼlimotlari asosida rivojlanib kelgan va qadimiyligiga qaramay bugungi kunda ham keng qo‘llaniladi. Eng mashhur muolajalar orasida quyidagilarga talab katta: akupunktura (nina sanchish), zuluk solish, hijoma, loy terapiyasi, gidroterapiya (suv muolajalari), iqlim terapiyasi va turli xil spa muolajalar shular jumlasidandir.

Akupunktura – anʼanaviy sharq tibbiyotining yo‘nalishlaridan biridir. Texnik nuqtai nazardan, uning mohiyati sanchish yoki chuqur isitish uchun maxsus vosita bilan inson tanasining maʼlum nuqtalarga taʼsir qilishdir. O‘zbekistonda akupunktura rasmiy tibbiyot sifatida tan olingan va siz shunga o‘xshash muolajalarni mamlakatning deyarli barcha tibbiyot muassasalarida olishingiz mumkin.

Hijoma – qon chiqarish orqali har xil kasalliklarni davolashning bir turi hisoblanadi. Mamlakatimizda bu nisbatan mashhur va eng qadimgi davolash usullaridan biridir. O‘zbekistonda ushbu muolajalarni ambulatoriya sharoitida sanatoriy va shifoxonalarda, shuningdek, kichik xususiy tibbiyot markazlarida olishingiz mumkin.

Zuluk solish qon aylanishini yaxshilash uchun qadimgi davolash usullaridan biridir. Agar sizda ushbu turdagi terapiyani qo‘llashga qarshi ko‘rsatmalar – gemofiliya, trombotsitopeniya, anemiya, kaxeksiya, xavfli o‘smalar, teri kasalliklari, gerudinga allergik reaksiyalar bo‘lmasa, o‘zingizni qiziqtirgan klinikaga ishonch bilan murojaat qilishingiz va davolanish kursidan o‘tishingiz mumkin.

Spa muolajalari – bu shahardagi shovqin-surondan yiroqda, xilvat joyda bo‘shashish va dam olish usulidir. O‘zbekistonlik spa mutaxassislari shifo topish va go‘zallikka intilishning barcha darajalarida professional yordam ko‘rsatishga qodirdirlar. Yirik spa markazlarida spa-xonalari, solyariy zonalari, massaj, piling xonalari, go‘zallik salonlari, manikyur va pedikyur xonalari, depilyatsiya, gidroterapiya vannalari, turk hammomlari, fin saunalari va basseynlar, sport zallari, fitnes va yoga bilan shug‘ullanish uchun xonalar sizning xizmatingizga doim tayyor.

Agar siz o‘z qiyofangizni o‘zgartirmoqchi, yuzingizni va tanangizning boshqa qismlarini to‘g‘rilamoqchi bo‘lsangiz O‘zbekistonga keling. Bularning barchasini arzon narxlarda va kosmetik jarrohlikning eng yangi texnologiyalaridan foydalangan holda olish mumkin.

O‘zbekiston klinikalari eng zamonaviy uskunalar bilan jihozlangan. Mutaxassislar ushbu sohadagi xorijiy klinikalarda ko‘p yillik tajribaga ega va chet tillarida gaplashadi.

Mamlakatingizdagi ixtisoslashtirilgan tibbiy sayyohlik agentliklari sizga mos klinikani topishda yordam beradi.

O‘zbek latofatining eng muhim siri – bu betakror tabiat va odamlardir. O‘zbekistonda quyosh yil bo‘yi charaqlab turadi va bu odamlarning ruhiyati va sog‘lig‘iga ijobiy taʼsir qiladi.

Shuningdek, O‘zbekiston o‘zining go‘zallari bilan mashhur bo‘lib, shoirlar va sanʼatkorlar o‘z asarlarida ularni tarannum etganlar.

“Orazin yopqoch ko‘zimdan sochilur har lahza yosh, bo‘ylakim paydo bo‘lur yulduz nihon bo‘lg‘ach quyosh” – misralari bilan buyuk shoir va olim Alisher Navoiy O‘zbekiston ayollarini tarannum etgan.

O‘zbekiston qizlarining go‘zalligi shubhasiz noyobdir. Xususiyatlarning ekspressivligi va yorqin sharqona ko‘rinish unga xos. Qadim zamonlardan beri ushbu mintaqadagi ayollar o‘zlarining nafisligini turli yo‘llar bilan taʼkidlashgan: ular sochlarining uzunligi va zichligini taʼkidlab, sochlarni o‘raganlar va go‘zallikni saqlab qolish uchun tabiiy mahsulotlar iborat vositalardan foydalanganlar.