Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
O‘zbekistonni targ‘ib qilish bo‘yicha hamkorlik doirasida mamlakatimizga AQShning eng mashhur telekanallaridan biri – CBS da efirga uzatiladigan "The Donna Drake Show" ko‘rsatuvining ijodiy guruhi tashrif buyurdi. Tashrif doirasida Xorazm, Buxoro, Samarqand viloyatlari hamda Toshkent shahrida suratga olish ishlari olib borilmoqda.
Ijodiy safar natijasida “Drake Media Network” kompaniyasi tomonidan O‘zbekistonga bag‘ishlangan maxsus uch qismli hujjatli teledastur tayyorlanadi. Har bir epizod taxminan 20 daqiqa davom etib, unda o‘zbek milliy taomlari, boy madaniy merosi va betakror sayyohlik yo‘nalishlari yoritiladi. Mazkur ko‘rsatuv “CBS” telekanalining AQSHdagi yirik shaharlar — Nyu-York, Nyu-Jersi, Konnektikut, Boston, Pitsburg, Detroyt, Atlanta, Tampa, Dallas/Fort-Uert, Sietl va Sakramento kabi hududlarida namoyish etilishi rejalashtirilgan.
Ma’lumot uchun: “The Donna Drake Show” — har shanba kuni ertalab “CBS WLNY 10/55” telekanalida efirga uzatiladigan mashhur dastur bo‘lib, AQSH bo‘ylab 7,5 millionga yaqin tomoshabinni qamrab oladi. Dastur xalqaro sayohatlar, madaniy meros obyektlari, gastronomik kashfiyotlar va turli sarguzashtlarga oid lavhalarni yoritib boradi.
Ko‘rsatuv “CBS WLNY 10/55” telekanali bilan birga, “FOOTPRINT Network” internet platformasi orqali ham efirga uzatiladi. Bu esa “Apple TV”, “Roku” va “Amazon Fire” kabi zamonaviy media qurilmalar orqali 24/7 rejimida tomosha qilish imkonini beradi.
Mazkur loyihalar orqali tayyorlanadigan videoroliklar O‘zbekistonning turizm salohiyatini AQSHda keng targ‘ib qilishga xizmat qilib, mamlakatimizga sayyohlar oqimini oshirishda muhim rol o‘ynashi kutilmoqda.
Ish vaqti: 9:00-18:00, Du-Ju
Savollar uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
