Bildirsoy tog‘-chang‘i kurorti

2311

O‘zbekiston nafaqat o‘zining qadimiy meʼmoriy yodgorliklari bilan, balki ajoyib tog‘ manzaralari bilan ham mashhurdir. Tabiatning o‘zi yaxshi dam olish va sevimli qishki hamda yozgi sport turlari bilan shug‘ullanish uchun kerakli sharoitni yaratishda g‘amxo‘rlik qilgan. Ajoyib tog‘ kurortlari bu yerda marvarid singari tarqalib ketgan. Chang‘ichilar orasida birinchi va eng mashhuri Bildirsoy chang‘i dam olish maskanidir.

Bildirsoy daryosi va tog‘ chang‘i kurorti Toshkent viloyatining Bo‘stonliq tumanida, Toshkentdan 80 km va Chimyon turistik bazasidan 5 km masofada joylashgan. Agar Chimyon odatda oilalar uchun va o‘rganishni endi boshlayotgan chang‘ichilar uchun tavsiya etilsa, Bildirsoy ko‘proq tajribali sportchilar uchun mo‘ljallangan. Dam olish maskanida birinchi toifali mehmonxona va chang‘i yo‘llari mavjud. Bu yerda ikkita arqonli ko‘targich mavjud – bitta juft o‘rindiqli ko‘targich – (uzunligi 2,5 km, ko‘tarilish vaqti 24 min, balandligi 565 M.) hamda arqonli ko‘targich («shavabra» – uzunligi taxminan 1 km, ko‘tarilish vaqti 5 min., balandligi ~ 200 M).

Bildirsoy tog‘-chang‘i kurortidagi qor qoplamasi yevropadagi qordan farq qiladi. Kontinental iqlim, bir tomondan Himolay tog‘lari , ikkinchi tomondan Sibir haddan tashqari haroratni va kuchli qor yog‘ishini taʼminlaydi. Bu yerdagi qor eng zo‘r, quruq va sovuq, chang‘i uchish uchun juda yaxshi hamda mutaxassislarning fikriga ko‘ra dunyodagi eng ajoyib qorlardan biri hisoblanadi.

Chang‘ichilar uchun mavsum dekabrdan martgacha ochiq. Yozda bu yerda qiziqarli sayohatlar tashkil etiladi. Masalan, Bildirsoy darasining cho‘qqisiga chiqqanda, yovvoyi hayvonlarni ovlash sahnalari tasvirlangan qadimiy petrogliflarni ko‘rish mumkin.

O‘ylab ko‘ring, chunki tog‘lardan yaxshiroq faqat tog‘lar bo‘lishi mumkin!


Xarita

Sharxlar

0

O‘z fikringizni qoldiring

Fikr qoldirish uchun siz ijtimoiy tarmoqlar orqali kirishingiz kerak:


Kirish orqali siz shaxsiy ma'lumotlarni qayta ishlashga rozilik bildirasiz

Shuningdek ko‘ring