O‘zbek lag‘moni – O‘rta Osiyo spagettisi

O‘zbekistonda lag‘mon juda mashhur taomdir. Lag‘mon qadimgi Xitoydan kelgan deb hisoblanadi, ammo bir necha asrlar davomida taom turli madaniyatlar va millatlar ta’siri ostida, ayniqsa uyg‘ur va dunganlar oshxonasining ta’siri ostida o‘zgargan.

Bu taomning paydo bolishi bilan bitta qiziqarli afsona bog‘liq. Kunlarning birida, chorrahada uchta sayyoh uchrashadi. Uzoq yo‘ldan so‘ng sayohatchilar juda och edilar. Birinchi sayyohning yonida faqat qozon, ikkinchisida – ozgina quritilgan go‘sht bilan bir oz un, uchinchida – bir juft sabzavot va ziravor bor edi. Faqat bitta sayohatchi ovqat pishirishni bilardi, u mavjud mahsulotlardan taom pishirishga qaror qildi. Ularning yonidan bir xitoy zodagoni o‘tib ketayotgan edi. Tayyorlangan taomning xushbo‘y hidi uning e’tiborini tortdi va zodagon to’xtashni xohladi. Uch sayyoh noma’lum mehmon bilan taomni baham ko‘rishdi. Zodagonga taom shu darajada yoqdiki, u o‘z saroyida xuddi shunday taomni pishirishni iltimos qildi.

Zamonaviy lag‘mon – milliy oshxonadagi eng sevimli taomlardan biri, aslida bu Markaziy Osiyo uslubidagi spagettidir. O‘zbekistonda lag‘monning bir necha turlari keng tarqalgan bo‘lib, ular ta’m jihatidan bir-birlaridan qolishmaydi. Qoida tariqasida, taomning asosiy tarkibiy qismlari qo‘lda tayyorlangan ugra, go‘sht, ziravorlar va sabzavotlardir. Taomning eng sevimli turlari:

1. Cho‘zma lag‘mon (uyg‘urcha) – cho‘zilgan xamirdan lagman. Quyuq birinchi taom, juda xushbo‘y, salgina achchiq. Ugra sabzavot va qo‘y go‘shti yoki yosh buzoq go‘shtli qayla bilan dastruxonga tortiladi.

2. Kesma lag‘mon (o‘zbekcha) - qalin qaynatilgan ugra hamda go‘sht va sabzavotli lagman. Bunday lag‘mondagi an’anaviy qaylaning tarkibi qiziqish uyg‘otadi. Odatda u turp, karam, kartoshka, bulg‘or qalampiri va pomidor kabi sabzavotlarni o‘z ichiga oladi.

3. Qovurma lag‘mon – qovurilgan tuxumdan tayyorlangan lag‘mon. Juda to‘yimli taom bo‘lib, unga ham alohida qo‘shimcha ravishda qayla tayyorlanadi. Tayyor qaylaga sabzavotlar bilan ugra qo‘shilib baland olovda yaxshilab qovurib olinadi. To‘yimli bo‘lishi uchun ba‘zan bu taomga quymoq qo‘shiladi.

4. Shivit oshi – shivit suvida pishiriladigan lag‘mon, xorazm oshxonasining milliy taomidir. Agar siz omadingiz chopib Xorazm viloyatiga tashrif buyursangiz, Shivit oshini albatta tatib ko‘ring. Mahorat bilan mayda to‘g‘ralgan ugra, yosh buzoq go‘shti, sharq ziravorlari sepilgan yangi sabzavotlar – bir tomondan mazalarning mumtoz kombinatsiyasini yaratsa, boshqa tomondan esa unutilmas manzarali taassurotlar qoldiradi.

Yana ko'ring

1. Tuxum barak — Xorazmning mazali taomi

2. Ijjan: qadimiy Xorazm taomi

3. Gumma: qadimiy pazandachilik an’anasi

4. Xorazm oshxonasining o‘ziga xos ta’mlari

5. Do‘lma

6. Moshxo‘rda

7. Toshkent taomlarining ifori

Hammasini ko'rish

Fotogalereya

Hammasini ko'rish