Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Paltau sharsharasi – aql bovar qilmas go‘zallikdagi tabiat mo‘jizasi. Bu sershovqin, jilovlab bo‘lmas darajadagi shiddatli suv oqimi 38 metr balandlikdan shitob bilan pastga tushadi. Uning manbayi tog‘ soyi - Chotqol daryosi bo‘lib, u baland tog‘lardan, Qirg‘iziston bilan chegarada joylashgan Ko‘ksuv tog‘ tizmasidan boshlanadi.
Paltau - Paltau qishlogʻidan uncha uzoq bo‘lmagan joyda, Toshkent-Burchmulla avtomobil yoʻli yaqinida joylashgan qadimiy tabiat yodgorligi. Sharsharaga borish uchun Ugom-Chotqol milliy bog‘i hududidagi tog‘ landshaftlarini yengib o‘tish kerak. Bu joylar o‘zining manzaralari, so‘lim vodiylari bilan kishini hayratga soladi. Paltauni oʻrab turgan yon bagʻirlari qalin oʻlanlar va turli oʻtlar bilan qoplangan. Bu yerda siz sariq na’matak, do‘lana, oblepixa, archa o‘simliklarini uchratasiz, dovondan narida esa qayinzorni ko‘rasiz.
Sharsharaning “Paltau” nomi turkiy tildan “temir tog” deb tarjima qilinadi. Darhaqiqat, sharshara paydo bo‘lishining boshidanoq temirga boy rudalari bilan dong taratgan tog‘lar bilan o‘ralgan edi. Uning yonidan o‘rta asrlarga oid yodgorliklar topilgan bo‘lib, ulardan biri erituvchi pechdir. Tabiat yodgorligiga borishdan oldin yo‘l avvalo Obi Rahmat g‘origa olib boradi, bu g‘orda paleolit davrining qadimgi odamlari joylashgan manzil topilgan. Bu joyda qadimgi odamning qoldiqlari, uning suyaklari va hatto tishlari topilgan.
Sharsharaga yaqinlashganda, uning shovqini va musaffo havo ancha uzoqdan seziladi. Uning yonida turish shifobaxsh ta’sirga ega: balandlikdan tushish paytida va quyosh nuri ta’sirida hosil bo‘lgan suv zarralari manfiy zaryadlangan ionlarga ega va organizmdagi nafas olish tizimiga foydali ta’sir ko‘rsatadigan o‘simlik fitontsidlari bilan to‘yingan.
Yo‘lda tetiklantiruvchi tog‘ daryosi oqimiga sho‘ng‘ish uchun qulay poyabzal, ichimlik suvi, quyoshdan himoyalovchi krem, bosh kiyim va albatta cho‘milish kostyumini olishni unutmang.
Fotosuratlar manbaasi: Local Secrets
Ish vaqti: 9:00-18:00, Du-Ju
Savollar uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
