Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Shahrisabzda o‘tkazilgan xalqaro tadbir doirasida IHT kotibiyati va tashkilotga a’zo davlatlar rasmiylari hamda mahalliy va xorijiy ommaviy axborot vositalari vakillari ishtirokida hududning o‘ziga xos turizm maskanlari bilan tanishtirish maqsadida info-tur tashkil etildi.
Info-tur davomida oxirgi yillarda go‘zal tabiati bilan sayyohlarni o‘ziga ko‘proq jalb qilayotgan Shahrisabz tumandagi yangi turizm obyektlari bilan yaqindan tanishtirildi.
Tumandagi “Miraki” mahallasida o‘tkazilgan turizm taqdimotida Iqtisodiy hamkorlik tashkiloti Bosh kotibi Husrav Noziri ham ishtirok etdi. Unda mahallaning turizm imkoniyatlari ko‘rib chiqildi va belgilangan talablarga muvofiq, “Miraki”ga “Turizm mahallasi” maqomi berildi.
“Shahrisabz – nafaqat qadimiy shahar ekanligi bilan, balki o‘ziga xos go‘zal tabiati bilan ham sayyohlar e’tiborini o‘ziga tortmoqda. “Miraki” mahallasi o‘zining geografik joylashuvi hamda yashash tarzi bilan ham o‘z an’analariga sodiq qolgan hudud. Shu sababdan bu yerga kelgan turist har kelganida o‘zi uchun yangiliklar kashf etadi. Shahrsibaz sayyohlarni qo‘shimcha vaqtga o‘zida ushlab qolish uchun ajoyib turizm maskaniga ega bo‘lmoqda”, dedi Turizm qo‘mitasi raisi Umid Shadiyev.
“Ortda qolgan yilda “Miraki” mahallasiga kirib kelgan xorijlik sayyohlar soni ming nafardan ortdi. Mahalliy sayyohlarning kirib kelishi ham 1 mln nafarga yaqinlashayapti. Bu yil bu ko‘rsatkichlarni bir necha barobarga oshishini kutmoqdamiz. Buning uchun asoslarimiz yetarlicha. Bu mahalla bir paytning o‘zida 6 yarim ming nafar turistga xizmat ko‘rsata oladi. Kelajakda turizm infratuzilmasini yanada rivojlantirishimiz uchun “Turizm mahallasi” maqomi muhim rol o‘ynaydi”, deb aytib o‘tdi Shahrisabz tumani hokimi Samad Hasanov.
Ish vaqti: 9:00-18:00, Du-Sh
Har qanday savol uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
