Viruslarga qarshi kurashish uchun O‘zbekistondan eng yaxshi 5 ta mahsulot

Bugungi kunda xotirjamlikni saqlash, xavfsizlik choralariga rioya qilish va immunitetni oshirish uchun ko‘proq vitaminlarni isteʼmol qilish juda muhimdir. Eng yaxshi vitaminlar esa tabiiy mahsulotlarda. Xuddi shunday mahsulotlar O‘zbekistonda mavjud, ular mehnatkash o‘zbek halqi tomonidan issiq quyosh nurlari ostida yetishtirilgan.

№ 1 Quyoshli limon

O‘zbekistonda ko‘pincha mahalliy limon bilan choy ichishadi, bu viruslarga qarshi kurashning eng yaxshi usuli hisoblanadi. Yorqin, to‘q sariq rangli, ingichka qobiqli – o‘zbek limonining mandaringa o‘xshash hidi va nozik go‘shti bor. Bu nav 1959 yilda chiqarilgan. Hatto 1963 yilda O‘zbekistonga tashrif buyurgan Fidel Kastro ham Toshkent limonariumidan hayratda bo‘lgan.

№ 2 marg‘ilon turpi

Yashil marg‘ilon turpi – sersuv, o‘ziga xos taʼmga ega noyob ildizmevali o‘simlik. Bunday turp yuqumli kasalliklar va shamollashga qarshi kurashda ajralmas yordamchidir. Turpga ozgina asal qo‘shib, shamollashda yo‘talni yengillashtirish va hatto davolash mumkin. O‘zbek oshxonasida turpdan Say salatini tayyorlashda foydalaniladi. Issiq taomlarga ildizmeva ajoyib qo‘shimcha hisoblanadi.

№ 3 Tog‘li asal

Asalning foydali ekanligi haqida hech qanday shubha yo‘q. O‘zbek tog‘ asali tarkibida juda ko‘p miqdordagi ozuqa moddalari va turli vitaminlar guruhlari mavjud. Asal isteʼmol qilib immunitet tizimining ishlashini oshirish mumkin. Bundan tashqari, u metabolizmni tezlashtiradi va qon hujayralarining yangilanishiga yordam beradi.

№ 4 O‘zbek sarimsog‘i

Sarimsoq eng qadimgi ekinlardan biridir. Qadimgi zamonlardanoq insonlar ushbu tabiiy antibiotikning ajoyib antibakterial xususiyatlari haqida bilishgan. O‘zbekistonda ayniqsa sarimsoqning Janubiy-binafsha navi mashhur. Bu yerda u odatda palovga qo‘shiladi. Sarimsoq bilan birgalikda anʼanaviy taom ayniqsa mazali bo‘ladi.

№ 5 Farg‘ona vodiysining bodomi

Farg‘ona vodiysining bodomi juda ham qadrlanadi. Bu yerda bir vaqtning o‘zida mazkur ajoyib yong‘oqning bir nechta navi yetishtiriladi. O‘zbekistonda bodom sho‘r va shirin qilib tayyorlanadi. Shirini odatda choy uchun dasturxonga tortiladi. Meʼyorida isteʼmol qilingan bodom organizmga virusli infeksiyalar bilan kurashishda yordamlashadi.

Izoh qoldirish

Fikr qoldirish uchun siz ijtimoiy tarmoqlar orqali kirishingiz kerak:


Tizimga kirish orqali siz qayta ishlashga rozilik bildirasiz Shaxsiy malumot