Xo‘jayi Serob Ota ziyoratgohi va Peshag‘or g‘ori

Sentyabr – tabiat qo‘yniga sayr qilish va sayohatlar uchun eng yoqimli oylardan biri. Jizzax viloyatining tabiiy yodgorliklar va ziyorat maskanlari uyg‘unlashib ketgan tabiati ayniqsa go‘zal. Jizzax viloyati Zomin tumanidagi “yashil” burchakda “Xo‘jayi Serob ota” ziyoratgohi joylashgan. 

Qadimgi madaniy manzil VIII-XII asrlarga oid mashhur ziyoratgohdir. Uning hududida Naqshbandiya tariqatiga mansub so‘fiy shayx Mavlon Muhammad (Serob Ota) Peshag‘oriy maqbarasi joylashgan. Ziyoratgohning yana bir xususiyati shundaki, bu yerda turli baliqlarga to‘la “Niyatlar bulog‘i” joylashgan. Aytishlaricha, ziyoratchilar chin dildan niyat qilgan holda, buloqdan tosh olib, o‘zlarining eng ezgu tilaklarini aytsalar, bu albatta amalga oshadi. Va nihoyat, u amalga oshgandan so‘ng, tosh minnatdorchilik va umid timsoli sifatida o ‘z joyiga qaytarilishi kerak.

Ziyoratgoh Jizzax viloyatidagi boshqa diqqatga sazovor joylar qatori mahalliy qadamjoga aylandi. Uning yonida qadimiy Peshag‘or g‘ori joylashgan. G‘or Peshag‘or darasida xuddi shu nomdagi tog‘ qishlog‘i o‘rnida joylashgan va to‘rtta g‘ordan iborat tabiiy majmuaning bir qismidir. “Peshag‘or” nomi “ostona” yoki “g‘orga kirish” degan ma’noni anglatadi. 

Bu barcha g‘orlarning eng kattasi bo‘lib, unga kirish uchun o‘lchami 1x1,5 metrga yetadigan kirish joyidan o‘tish kerak bo‘ladi. Ichkariga kirgach, kichik yo‘lakga tushasiz va uning oxirida tirqishni ko‘rasiz. Uning uzunligi ikki metrgacha cho‘zilgan va birinchi markaziy zalga olib boradi. Katta zalda siz g‘orda mavjud bo‘lgan ko‘rshapalaksimonlar va g‘ayrioddiy floresan shakllanishlarni uchratasiz. 

Birinchi zalning oxirida ikkinchi zalga kirish joyi mavjud. U yerda asosan to‘q sariq rangdagi sirli stalaktitlarni uchratish mumkin. Ikkinchi zalning orqasida uchinchi zalga ko‘tarilish joyi bor, uning o‘lchamlari avvalgisidan bir oz kichikroq. Zaldagi toshlar va loy sirpanchiq. Ajablanarlisi, g‘orda ibtidoiy odamlar yashagan. Buni ko‘plab artefaktlar va hayot izlari tasdiqlaydi. Markaziy zalning devorlari va gumbazi qurum bilan qoplangan. Miloddan avvalgi IV asrga oid idishlar, kundalik turmush buyumlari, qoyatosh suratlari, qabrlar va suyaklar topilgan. Gʻorga yaqin joyda oʻrmon xoʻjaligi joylashgan bo‘lib, yovvoyi pista va bodomzor oʻrmonlar oʻsadi, oʻrmonlarda kaklik, shoqol, jayra, tulki, boʻrilar ham uchraydi. Gʻor va ziyoratgohlarga sayr va ekskursiyalar tashkil etiladi. Siz inson qo‘li tegmagan tabiiy diqqatga sazovor joylarni, Zomin milliy bog‘ini, Turkiston tizmasining shimoli-g‘arbiy qismidagi Molguzar tog‘larini, doimo yashil archalar va boshqa ko‘p narsalarni ko‘rishingiz mumkin. Tashrif buyuring va o‘zingiz bunga amin bo‘ling!

Ащещ: openingnewhorizons.uz, Andrey Kudryashov.

Izoh qoldirish

Fikr qoldirish uchun siz ijtimoiy tarmoqlar orqali kirishingiz kerak:


Tizimga kirish orqali siz qayta ishlashga rozilik bildirasiz Shaxsiy malumot