Yapon bog‘i

Manzil: Toshkent sh., Amir Temur ko‘chasi, 107-uy

Mo'ljal: Badamzor metro bekati, "Toshkentland", International mehmonxonasi

Telefon: (+998) 71-235-02-50, 71-238-56-10

Ish vaqti: har kuni 10:00 dan 19:00 gacha

Veb sayt: Yapon bog'i

Pochta manzili: info@uzexpocentre.uz

Yapon bog‘i poytaxtning eng maftunkor, shinam, obod va go‘zal go‘shalaridan biri bo‘lib, oila a’zolari yoki do‘stlar bilan tabiat qo‘ynida dam olish, kichik sayrlar uyushtirish uchun juda mos keladigan joy. Bunday landshaftli bog‘ning qurilishi murakkab yapon bog‘ san’ati tizimiga muvofiq amalga oshirilgan bo‘lib, unda yerdagi tabiatning mukammal dunyosi miniatyura ko‘rinishida aks ettirilgan.

Yapon bog‘ining rasmiy ochilishi 2001-yilda bo‘lib o‘tgan, hatto ko‘p yillar o‘tsa ham-ki, bog‘ to‘y videolari va fotosessiyalarini, sevishganlar va romantiklar uchun sayrlarni tashkil qilish uchun sevimli joyligicha qolmoqda. Shuningdek, nafis sharqona ekzotizm va sehr bilan o‘ralgan yapon bog‘iga tashrif buyurish yolg‘izlik va osoyishtalik izlaydigan, tabiatning ulug‘vorligi haqida o‘ylashni, sukunatdan zavqlanishni yaxshi ko‘radiganlar, shuningdek, shahar shovqinidan dam olishni istaganlar yoki hayotning yoqimli daqiqalarini eslab, orzu qilib, ijobiy quvvat olishni xohlovchilar orasida keng ommalashgan.

Yapon bog‘ida ajoyib osoyishtalik va sokinlik muhiti hukm suradi, havo bahor gullarining yengil hidi hamda barglar va o‘tlarning xushbo‘y ifori bilan to‘yingan. 

Bog‘ning har bir burchagida siz yapon madaniyatining badiiy dizayni va ranglariga ega bezaklarni ko‘rishingiz mumkin: shinam ayvonlar, kursi va o‘rindiqlar, ozoda dumaloq yog‘och ko‘priklar, uychalar, yapon uslubidagi granit va yog‘och chiroqlar, g‘ayrioddiy shaklda terilgan toshlardan kompozitsiyalar, bog‘ bo‘ylab harakatlanish uchun yo‘laklar, daraxtlar, butalar, gullab turgan o‘simliklar.

❮

❯

Bog‘ bo‘ylab sayr qilishda vaqti-vaqti bilan oqqushlar va o‘rdaklar suzib yuradigan hovuzning ajoyib ko‘rinishi ochiladi. Shuningdek, hududning boshqa qismlarida bog‘ning yashil maysazorlari va xiyobonlarida xotirjam sayr qilayotgan oqqushlar, laylaklar, o‘rdaklar, g‘ozlar va tovuslarni uchratish mumkin. Uncha katta bo‘lmagan hovuzlarda chiroyli oltin baliqlar suzib yuradi, suv yuzasida nilufargul va boshqa g‘aroyib o‘simliklar gullab turadi.

❮

❯

Yapon bog‘iga tashrif buyurishdan olingan taassurotlar qalbingizda uyg‘unlik, yorug‘lik va qandaydir yoqimli hislarni qoldirgan holda, uzoq vaqt davomida saqlanib qoladi va sizda bu tuyg‘uni qayta boshdan kechirish uchun bu yerga kelish istagi paydo bo‘ladi.

Xarita

Yana ko'ring

1. Toshkentdagi Islom sivilizatsiyasi markazi

2. Yangi O‘zbekiston bog‘i

3. Mustaqillik maydoni

4. Toshkent qo‘ng‘iroqlarining ajoyib tarixi

5. Jahon otin Uvaysiy uy-muzeyi

6. Virtual galereyalar

7. Chorsu Art-galereyasi

8. Erkin Vohidov memorial muzeyi

9. Toshkent Fotosuratlar uyi

10. Qatag‘on qurbonlari xotirasi muzeyi

Hammasini ko'rish