Xorijiy ommaviy axborot vositalarida O‘zbekistonda turizm sohasidagi islohotlar

Koronavirus pandemiyasi ko‘plab mamlakatlarning iqtisodiyotiga va turizmga katta zarar yetkazib, bu eng ko‘p ziyon ko‘rgan sohalardan bo‘ldi. Endi dunyo turizmi davlat tomonidan kuchli qo‘llab-quvvatlanish va islohotlar o‘tkazilishiga muhtoj. Qat’iy karantin choralarini yengillashtirish, soliq imtiyozlari va preferensiyalarni, xavfsiz ob’ektlar va joylashtirish vositalarini ochish, ichki turizmni rivojlantirish, pandemiyadan xalos bo‘lgan davlatlar bilan bosqichma-bosqich havo aloqalarini ochish, turizmning sog‘liqni saqlash va xavfsiz turlarini rivojlantirishga e’tiborni qaratish lozim. Aksariyat davlatlar pandemiyadan asta-sekin tiklanib, turizm sohasida turli xil chora-tadbirlar va islohotlarni amalga oshirmoqda.

Shunday qilib, O‘zbekiston ham pandemiya davrida sayyohlikni rivojlantirishni jadallashtirish uchun bir qator muhim islohotlarni amalga oshirdi, shu jumladan, ular orasida respublika Prezidentining Farmoni va qarori ham bo‘lib, aynan ushbu hujjatlar haqida dunyo va taniqli ommaviy axborot vositalari yozishni boshladi.

“O‘zbekiston noyob taklif bilan chet ellik sayyohlar uchun qayta ochilmoqda. Agar sayyoh O‘zbekistonda COVID-19 kasalligiga chalinsa, mamlakat unga 3000 AQSH dollar miqdorida tovon to‘laydi ", – deb yozadi Lonely Planet sayyohlik nashri.

"O‘zbekistonga qarshi ravishda Kamboja har bir sayyohdan kelganida 3000 AQSH dollari miqdorida mablag‘, shuningdek, COVID-19 tahlili, shuningdek, uning natijalarni kutib turganda ovqatlanish va yashash uchun to‘lovni depozitga o‘tkazishni talab etishini e’lon qildi", – deyiladi gazetada.

Pokistonning “BolNews” axborot agentligi O‘zbekiston Respublikasi Prezidentining yangi qarori haqidagi maqola e’lon qilib, unda mamlakatimizda COVID-19ni davolash uchun pul kompensatsiyasi haqida ham aytilgan.

"Biz sayyohlarni ular O‘zbekistonga kelishi mumkinligiga ishontirishni istaymiz", – dedi O‘zbekistonning Buyuk Britaniyadagi turizm bo‘yicha elchisi Sofi Ibbotson o‘zining Instragramdagi shaxsiy sahifasida.

“Hukumat turizm sohasida amalga oshirilayotgan yangi xavfsizlik va gigiyena choralari sayyohlarni COVID-19dan himoya qilishiga ishonadi va buning uchun pul to‘lashga tayyor. Agar siz O‘zbekistonga sayohat qilayotganingizda COVID-19 bilan kasallansangiz, davolanish uchun mamlakat sizga kompensatsiya to‘laydi“, – deb yozadi turizm elchisi.

Londonda nashr etilgan "Time out in…” ham O‘zbekistonda kasal bo‘lgan sayyohlarga to‘lanadigan pul kompensatsiyasi haqida yozadi.

“O‘tgan haftada O‘zbekiston yana aviayo‘lovchilarni qabul qilishini e’lon qildi. Biroq, hozir faqat Xitoy, Yaponiya, Janubiy Koreya va Isroildan kelgan mehmonlar bemalol qabul qilinadi”, – deb yozadi London nashri.

Mashhur Bradt Guides sayyohlar uchun qo‘llanma O‘zbekistonda amalga oshirilayotgan yangi sayyohlik islohotlari haqida maqolani ham e’lon qildi. U “Why Uzbekistan is paying travellers to visit” –  "Nega O‘zbekiston turistlarga sayohat uchun pul to‘layapti?" sarlavhali maqolasida COVID-19ga qadar O‘zbekiston eng tez rivojlanayotgan sayyohlik yo‘nalishlaridan biri bo'lganini yozadi. Endi hukumat tomonidan e’lon qilingan yangi tashabbus bilan u sayohatchilar ro‘yxatining yuqori qismiga ko‘tarilishni davom ettirishi ehtimoli balanddir.

Pandemiya davrida xalqaro matbuotning O‘zbekistonga ko‘rsatgan bunday yuksak e’tibori jahon hamjamiyatining mamlakatimizga bo‘lgan qiziqishi so‘nmayotganining yana bir tasdig‘idir va, ehtimol, oqilona davlat siyosati yuritilayotgan mamlakatimiz mashhur va xavfsiz sayyohlik yo‘nalishlarining ro‘yxatining birinchi pog‘onalariga chiqadi.

Izoh qoldirish

Fikr qoldirish uchun siz ijtimoiy tarmoqlar orqali kirishingiz kerak:


Tizimga kirish orqali siz qayta ishlashga rozilik bildirasiz Shaxsiy malumot