Xavfsizlik va O‘zbekiston bo‘ylab sayohatlarning o‘ziga xos jihatlari
Bosh sahifa / Xavfsizlik va O‘zbekiston bo‘ylab sayohatlarning o‘ziga xos jihatlari

Xavfsizlik va O‘zbekiston bo‘ylab sayohatlarning o‘ziga xos jihatlari

O‘zbekiston juda barqaror va tinch mamlakat bo‘lib, unda o‘z fuqarolari hamda xorijiy sayyohlarning huquqlarini himoya qilish ustuvor vazifa sanaladi. Mamlakatimizda aholi va sayyohlar xavfsizligini ta’minlash bo‘yicha doimiy chora-tadbirlar tizimi ishlab chiqilmoqda. Siz huquq-tartibot organlari xodimlarini butun mamlakat bo‘ylab ko‘plab uchratishingiz mumkin: aeroportlarda, gavjum ko‘chalarda, kechay-u kunduz, Toshkent metrosining kirish va chiqish joylarida, yer osti o‘tish yo‘laklarida, maydonlarda, sayyohlik maskanlarida, savdo markazlarida va odamlar gavjum bo‘lgan boshqa joylarda.

O‘zbekiston nafaqat yuqori darajadagi xavfsizligi, balki milliy o‘ziga xoslikning muhim qismini tashkil etuvchi afsonaviy mehmondo‘stligi bilan ham mashhurdir. Mamlakatning chuqur tarixidan boshlangan mehmonga hurmat bilan munosabatda bo‘lish an’analari avloddan-avlodga o‘tib, madaniyatning ajralmas qismiga aylangan. O‘zbek xalqi har bir sayyohni samimiy qutlab, mehmonni e’tibor, g‘amxo‘rlik va mehmondo‘stlik ko‘rsatiladigan alohida inson deb biladi. Aynan shu sababli O‘zbekistonda bo‘lish xorijlik mehmonlarda nafaqat boy tarixiy meros taassurotlarini, balki iliq qabul va samimiy insoniy muloqot tuyg‘ularini ham qoldiradi.

Bundan tashqari, O‘zbekiston Markaziy Osiyodagi sayyohlar uchun eng xavfsiz mamlakatlardan biri hisoblanadi. Mahalliy aholining mehmondo‘stligi, barqaror siyosiy vaziyat va rivojlangan turizm infratuzilmasi sayohat qilish uchun qulay sharoit yaratadi. Biroq, har qanday mamlakatda bo‘lgani kabi, sayohatning o‘ziga xos xususiyatlarini hisobga olish, tavsiyalarga amal qilish va zarur bo‘lganda kerakli yordamni qayerdan olishni bilish muhimdir.

O'zbekiston haqida qiziqarli ma'lumotlar

O'zbekiston haqida video

O‘zbekiston jahon xavfsizlik reytinglarida va turizm politsiyasi

“Global Peace Index 2024” va “Safety Perception Index 2023” kabi xalqaro reytinglarga ko‘ra, O‘zbekiston mintaqada sayohat qilish uchun eng xavfsiz mamlakatlar qatoriga kiradi. Bunga jinoyatchilik darajasining pastligi, qat’iy xavfsizlik choralari va mahalliy aholining samimiy munosabati sabab bo‘lmoqda.

Mamlakat hukumati sayyohlarni himoya qilishga alohida e’tibor qaratmoqda. Toshkent, Samarqand, Buxoro, Xiva kabi yirik sayyohlik shaharlarida chet ellik mehmonlarga yordam ko‘rsatuvchi maxsus turizm politsiyasi faoliyat yuritmoqda. Turizm politsiyasi nizoli vaziyatlarni hal qilishda ko‘maklashadi, xulq-atvor qoidalarini tushuntiradi, shuningdek, zarur hollarda tezkor yordam ko‘rsatadi.

Favqulodda raqamlar

• Tez tibbiy yordam: 103

• Politsiya: 102

 • Yong‘in xavfsizligi xizmati: 101

 

 

 

“Duoba” turizm mahallasi

 
 

Turizm politsiyasi

 
Hammasini ko'rish

Tibbiy xavfsizlik

Tibbiy muassasalar va shoshilinch yordam

O‘zbekistonda malakali yordam olish mumkin bo‘lgan zamonaviy tibbiyot markazlari tarmog‘i mavjud. Ko‘plab klinikalar xalqaro standartlarga mos keladi va chet el fuqarolariga xizmat ko‘rsatadi.

Favqulodda vaziyatlarda eng yaqin shifoxonaga murojaat qilish yoki 103 raqami orqali tez yordam chaqirish mumkin.

Dorixonalar va tibbiy ilovalar

O‘zbekistondagi aksariyat dorixonalar tun-u kun (24/7) ishlaydi. Ularning ko‘pchiligi, keng turdagi
dori-darmonlarni taklif etadi, jumladan, import dori vositalari ham. Sayyohlar uchun qulay bo‘lishi uchun eng yaqin dorixonani topish va kerakli dori-darmonlarga buyurtma berish mumkin bo‘lgan mobil ilovalar va veb-saytlar mavjud.

Foydali manbalar:

• “ArzonApteka” - dorilarni onlayn qidirish

• “MedMarket.uz” - dorilarni onlayn qidirish va buyurtma berish

• “Dorixona.uz” - eng yaqin dorixonalar ro‘yxati

 

 

 

"Bo‘ston" sanatoriyasi

 
 

"Zomin" sanatoriysi

 
 

"Turon" sanatoriysi

 
 

"Xumson" sanatoriysi - Toshkent viloyatidagi kichik Shveysariya

 
 

"Chinobod" sanatoriysi

 
Kurortlar
Dam olish maskanlari
Sanatoriylar

Transport va chiptalarni band qilish

Shahar ichidagi va shaharlararo transport

Rivojlangan transport tarmog‘i tufayli O‘zbekiston bo‘ylab harakatlanish qulay:

• Metro: Toshkentda tozaligi va xavfsizligi bilan mashhur bo‘lgan zamonaviy metro faoliyat yuritmoqda.

• Avtobuslar va marshrutkalar: Jamoat transportining keng tarmoqli tizimi harakatlanishni arzon va qulay bo‘lishini ta’minlaydi.

Shuningdek, yo‘l haqini to‘lashning avtomatlashtirilgan tizimi operatori – “ATTO” kartasi ham amal qiladi

24 soatlik qo‘llab-quvvatlash: 78 140 0808

Batafsil ma’lumot

• Taksi: Xavfsiz harakatlanish uchun “Yandex Go” va “MyTaxi” rasmiy xizmatlaridan foydalaning.

• Temir yo‘l aloqasi: “Afrosiyob” tezyurar poyezdlari Toshkent, Samarqand, Buxoro va boshqa shaharlarni bog‘lab, asosiy sayyohlik joylariga tez yetib borish imkonini beradi.

Chiptalarni band qilish

Sayohatchilar uchun qulay bo‘lishi uchun transport chiptalarini xarid qilish mumkin bo‘lgan onlayn platformalar mavjud:

• Aviachiptalar:

 Uzbekistan Airways - milliy aviakompaniyaning rasmiy veb-sayti

• Temir yo‘l chiptalari:

 Uzbekistan Railways - tezyurar va oddiy poyezdlarga chiptalarni bron qilish

Transport bo‘yicha maslahatlar:

• Poyezd va samolyot chiptalarini oldindan sotib oling, ayniqsa sayyohlik mavsumi avjida bo‘lsa.

• Yuqori narxlardan qochish uchun rasmiy taksi chaqirish ilovalaridan foydalaning.

 

 

 

O‘zbekistonda ro‘yxatdan o‘tgan rezident aviakompaniyalar

 
 

Buyuk Oʻzbek yoʻli

 
Sanatoriylar
Turistik qishloqlar
O'tov lagerlari

O‘zbekistonda dronlardan foydalanish

Agar sayyoh foto yoki video suratga olish uchun drondan foydalanishni rejalashtirayotgan bo‘lsa, Fuqaro aviatsiyasi agentligidan yoki boshqa vakolatli organlardan oldindan ruxsatnoma olish kerak. Ayniqsa, strategik obyektlar va tarixiy yodgorliklar yaqinida uchuvchisiz uchish apparatlaridan ruxsatsiz foydalanish taqiqlanadi.

Ruxsatnoma qanday olinadi:

• Sayohatdan bir necha hafta oldin vakolatli organlarga ariza topshirish.

• Drondan foydalanish maqsadini tavsiflash (turizm, diqqatga sazovor joylarni suratga olish va boshqalar).

• Belgilangan qoidalarga va uchish zonalariga rioya qilish.

Ushbu talablarni buzish jarimalar, dronni musodara qilish yoki boshqa sanksiyalarga olib kelishi mumkin.

Batafsil ma’lumot bu yerda

Xulosa

O‘zbekiston - mehmonlar xavfsizligi ustuvor bo‘lgan mamlakat. Jahon xavfsizlik reytinglarida yuqori o‘rinlar, rivojlangan tibbiy yordam infratuzilmasi, qulay transport va qat’iy huquq-tartibot choralari mamlakat bo‘ylab sayohat qulay va tashvishsiz bo‘lishini ta’minlaydi.

O‘zbekiston bo‘ylab sayohat qilar ekansiz, boy madaniyat, tarixiy meros va betakror tabiat go‘zalliklaridan bahramand bo‘lishingiz mumkin.

 Xavfsiz va mehmondo‘st mamlakat - O‘zbekistonga xush kelibsiz!

 

 

 

Labi Hovuz ansambli

 
 

Boysuntog‘

 
 

Buyuk Oʻzbek yoʻli

 
 

Afrosiyob qadimgi manzilgohi

 
 

Qadimiy Varaxsha xarobalari

 
 

Buxoro tarixi

 
 

Samarqand tarixi

 
 

Toshkent tarixi

 
 

Xiva tarixi

 
Hammasini ko'rish

Turizm turlari

Turizm turlari
Turistlarga
Agentliklarga
Ma'lumotlar
OAV
Aloqa
+998 71 200 00 88

Ish vaqti: 9:00-18:00, Du-Ju

100015, Toshkent sh, Oybek ko‘chasi 18-uy
O‘zbekiston
Xavfsiz turizm uchun yagona Call-markaz - 1173
   

   
Copyright © 2018-2025 National PR-centre